Tinatayang Php1,200,000 halaga ng marijuana ang nadiskubre ng Benguet PNP sa isinagawang marijuana eradication sa Sitio Aninito, Tacadang, Kibungan, Benguet nito lamang Disyembre 15, 2023.
Pinangunahan ang nasabing operasyon ng mga tauhan ng Kibungan Municipal Polie Station katuwang ang mga tauhan ng PDEU/PIU Benguet PPO, RID PRO Cordillera at PDEA-CAR.
Matagumpay ang operasyon kung saan nadiskubre ang isang plantasyon na may nakatanim ng 6,000 piraso ng mga Fully Grown Marijuana Plants na may Standard Drug Price na Php1,200,000.
Agad naman binunot at sinunog ang naturang ipinagbabawal na halaman at patuloy ang Benguet PNP sa pagpuksa ng mga marijuana plantation sa buong nasasakupan para sa kaayusan at kapayapaan sa buong probinsya.
