Iloilo – Nasabat ang Php1,258,000 halaga ng shabu sa ikinasang drug buy-bust operation ng pulisya at Philippine Drug Enforcement Agency sa Sitio Bo-ol Brgy. Sapao Dumangas, Iloilo nito lamang ika-28 ng Disyembre 2022.
Kinilala ni Police Major Kenn Albert Lepsia, Hepe ng Dumangas Municipal Police Station, ang subject person na si alyas “Boy”, 35, residente ng Brgy. Taculing, Bacolod City.
Nahuli si Boy matapos itong magbenta ng isang pakete na naglalaman ng hinihinalang shabu na may halagang Php15,000 sa isang police poseur buyer.
Narekober sa subject person ang 17 piraso ng heat-sealed transparent plastic sachets at isang knot tied plastic sachet na parehong naglalaman ng hinihinalang shabu na may kabuuang timbang na 185 gramo at may Standard Drug Prize na Php1,258,000, buy-bust item, at iba pang non-drug items.
Si Boy ay nahaharap sa kasong paglabag sa R.A. 9165 o ang Comprehensive Dangerous Drugs Act of 2002.
Ang nasabing operasyon ay naging matagumpay sa pinagsanib na pwersa ng mga operatiba ng Regional Police Drug Enforcement Unit 6, Station Drug Enforcement Team ng Dumangas PNP at sa koordinasyon sa PDEA Regional Office 6.
Patuloy ang PNP sa pagsasagawa ng ganitong mga operasyon upang tuluyang masugpo ang pagbebenta at pagkalat ng ilegal na droga upang mapanatili ang kapayapaan at kaayusan sa ating bansa.
