Dagat-dagatan, Navotas City — Tinatayang Php1.1 milyong halaga ng shabu ang nasabat sa tatlong suspek sa buy-bust operation ng Navotas City PNP nito lamang Linggo, Hunyo 19, 2022.
Kinilala ni Northern Police District Director, Police Brigadier General Ulysses Cruz ang mga suspek na sina Mark Renzo Valerio y Garcia alyas “Renzo,” nakalista bilang Pusher, 25, walang trabaho; Jayzen Manalaysay y Francisco alyas “Jayzen,” 34, mangingisda; at Glen Lacson y Siochi alyas “Glen,” 36.
Ayon kay PBGen Cruz, bandang 12:30 ng madaling araw naaresto ang mga suspek sa kahabaan ng Tanigue Extension, Brgy., NBBS Dagat-Dagatan, Navotas City ng mga operatiba ng Station Drug Enforcement Unit ng Navotas City Police Station kasama ang NDIT, RIU-NCR at PDEA.
Ayon pa kay NPD Director, narekober mula sa mga suspek ang tatlong medium at dalawang small sized na heat-sealed transparent plastic sachet na naglalaman ng hinihinalang shabu na humigit-kumulang 170 gramo at may Standard Drug Price (SDP) na Php1,156,000, isang yunit ng kalibre .38 revolver COLT, apat na piraso ng .38 bala, buy-money at Php1,000 cash na may iba’t ibang denominasyon, isang black sling bag, isang black wallet, isang maliit na notebook, isang yunit ng cellphone, ballpen at belt bag.
Mahaharap ang mga suspek sa kasong paglabag sa RA 9165 o Comprehensive Dangerous Drugs Act of 2002.
Tiniyak ni PBGen Cruz na ang NPD ay lalo pang paghihigpitan ang pagbibigay serbisyo sa publiko upang mahuli ang mga gumagamit at nagbebenta ng ilegal na droga at makamit ang drug free na bansa.
Source: PIO NCRPO
###
Panulat ni PSSg Remelin Gargantos
