Bacolod City – Nakumpiska ang mahigit Php1 milyong halaga ng shabu sa isinagawang buy-bust operation ng Bacolod City Police Station 5 at Bacolod City Police Office City Drug Enforcement Unit nitong ika-16 ng Setyembre 2022.
Kinilala ni Police Lieutenant Joven Mogato, BCPO City Drug Enforcement Unit Head, ang suspek na si Ronnie Ray Dela Cruz y Rubio, 20, residente ng Purok Sereza 2, Barangay 27, Bacolod City, Negros Occidental.
Ayon kay PLt Mogato, nahuli ang suspek sa kanyang tirahan habang nakatakas naman ang isa nitong kasamahan na si Delvin Rubio y Dequilla alias “Nonoy Pabos.”
Dagdag pa ni Plt Mogato, na nakumpisa sa suspek ang 30 sachet ng hinihinalang shabu na may bigat na 170 gramo at nagkakahalaga ng Php1,156,000.
Nahaharap ang suspek sa kasong paglabag sa R.A. 9165 o ang Comprehensive Dangerous Drugs Act of 2002.
Hinimok naman ng Bacolod City PNP ang publiko na makipagtulungan sa Pambansang Pulisya upang masugpo ang ganitong uri ng mga ilegal na aktibidad at mapanatili ang kaayusan at kapayapaan sa lungsod.
