Nasabat ng pulisya ang mahigit isang milyong halaga ng shabu sa isinagawang buy-bust operation sa Sitio Ubos, Barangay Igcocolo, Guimbal, Iloilo nito lang ika-6 ng Abril 2024.
Matagumpay na isinagawa ang operasyon sa pinagsamang operatiba ng Iloilo Police Provincial Office – Provincial Drug Enforcement Unit (IPPO-PDEU) at Guimbal Municipal Police Station.
Kinilala ang mga suspek na sina alyas “Kirk”, 34, walang asawa, walang trabaho, at naninirahan sa Sitio Ubos, Barangay Igcocolo, Guimbal, Iloilo, at itinuturing na isang High Value Individual; alyas “George”, 54, may asawa, walang trabaho; alyas “Rynn”, 29, walang asawa, walang trabaho, at alyas “Third”, 22, walang asawa, mangingisda at nakatira sa Guimbal, Iloilo.
Ayon kay Police Captain Beverly Cataluña, hepe ng Guimbal MPS nakuha sa mga suspek ang isang (1) transparent plastic sachet (buy-bust item), labing-isang (11) piraso ng transparent plastic sachets at isang (1) pack na mga pinaniniwalaang shabu na may kabuuang timbang na humigit kumulang 150 gramo at nagkakahalaga ng Php1,020,000.
Narekober din sa mga suspek ang Php20,000 na ginamit na buy-bust money kasama na ang mark money, isang digital weighing scale, gunting, isang rolyo ng aluminum foil, cellular phone, pouches at Strips Aluminum foil.
Nahuli ang mga suspek matapos pagbentahan ng pinaniniwalaang shabu ang nagpanggap na police poseur-buyer kapalit ng halagang Php20,000.
Pinuri ni Police Brigadier General Jack L Wanky, Regional Director ng PRO 6, ang kapulisan ng Iloilo PPO sa matagumpay na operasyon laban sa ilegal na droga sa Rehiyon upang suportahan ang BIDA program ng pamahalaan sa minimithing drug free Western Visayas.
Source: Police Regional Office 6 Panulat ni Pat Ryza Valencia
