Nasa 150 gramo ng hinihinalang shabu na tinatayang nagkakahalaga ng Php1,020,000 ang nasabat ng Iloilo City Drug Enforcement Unit kasama ang mga tauhan ng Iloilo City Police Station 4 sa isang matagumpay na operasyon laban sa ilegal na droga bandang 11:32 ng gabi sa Barangay San Pedro, Molo, Iloilo City nito lamang ika-10 ng Setyembre 2024.
Kinilala ang suspek na si alyas “Boss”, 28 taong gulang, at itinuturing na High Value Individual, na residente ng Barangay Pinantan, Ajuy, Iloilo.
Nasamsam mula sa kanya ang kabuuang 27 plastik na sachet ng hinihinalang shabu na may kabuuang timbang na 150 gramo.
Ang suspek ay mahaharap sa kasong paglabag sa Republic Act 9165 o ang Comprehensive Dangerous Drugs Act of 2002.
Ang Iloilo City Drug Enforcement Unit at Iloilo City Police Station 4 ay patuloy na magbabantay upang masugpo ang ilegal na droga sa siyudad ng Iloilo at tiyakin na ang mga sangkot sa ilegal na gawain ay mapanagot sa ilalim ng batas.
Source: PRO 6 Public Information Office
Panulat ni Pat Lyneth Sablon
