Antipolo City – Tinatayang 204K na halaga ng shabu ang nakumpiska sa isang suspek sa buy-bust operation ng Rizal PNP nito lamang Martes, Abril 12, 2022.
Kinilala ni Police Colonel Dominic Baccay, Provincial Director ng Rizal Police Provincial Office, ang suspek na si Dexter Punzalan y Yu alyas “Dec”, 43, at residente ng No. 8 Sitio Kamias 2, Brgy. Mambugan, Antipolo City.
Ayon kay PCol Baccay, bandang 2:55 ng madaling araw naaresto si Dec sa naturang lugar ng pinagsanib na operasyon ng Provincial Intelligence Unit at Provincial Drug Enforcement Unit 4A.
Dagdag pa ni PCol Baccay, nakuha mula sa suspek ang limang pirasong heat-sealed transparent plastic sachets na may kabuuang timbang na 30 gramo ng hinihinalang shabu na nagkakahalaga ng Php204,000; isang pirasong black pouch; isang pirasong Php500 bill bilang buy-bust money at limang pirasong Php100 bill.
Tiniyak ni PCol Baccay na ang Rizal PNP ay patuloy na ipapatupad ang kampanya sa pagsugpo sa ilegal na droga upang mas maging tahimik at maunlad ang kanyang nasasakupan.
Source: Rizal Police Provincial Office
###
Panulat ni Police Executive Master Sergeant Ronald V Condes
