Naging makabuluhan ang pagbisita ni Police General Rommel Francisco D Marbil, Hepe ng Pambansang Pulisya ng Pilipinas sa ginanap na Serbisyong BAYANIHAN Caravan para sa Kapulisan at kapamilya nito na ginanap sa NPTI Coliseum, Camp Vicente Lim, Calamba City, Laguna nito lamang ika-18 ng Hulyo 2024.
Nagkaroon ng Talk to Men si PGen Marbil sa mga kalalakihan at kababaihan ng Police Regional Office CALABARZON sa kanyang Command Visit at sinimulan na rin ang “Serbisyong BAYANIHAN Caravan sa Kapulisan at Kapamilya ng PRO 4A ” na may temang “Damayang may Malasakit sa Kapulisan” programa na naglalayong palakasin ang moral at kapakanan ng mga tauhan ng PNP at ang kanilang mga benepisyaryo.
“I commend the entire management of the Police Regional Office CALABARZON through the hard working Regional Director, PBGen Paul Kenneth T Lucas for extending the various government services and assistance to its personnel and their dependents. Sa pangunguna ni General Lucas katuwang ang ating mga stakeholders ay naibibigay na natin sa ating personnel ang mga basic na pangangailangan tulad ng healthcard, libreng wheelchair at winowork out pa natin ang free legal assistance, dahil isa lang ang gusto ko para sa PNP, ang ligtas tayo,” ayon kay PGen Marbil.
Ang BAYANIHAN Caravan ay pinakinabangan ng higit 1,000 kalahok na may pondong aabot sa halos 1 milyong piso na may iba’t ibang serbisyo ng gobyerno tulad ng pagproseso ng License To Own and Possess Firearms (LTOPF), Scholarship Claims and Other Benefits, National Police Clearance, Medical at Dental service, Sports Clinic, Legal Consultation, First Communion, Renewal at Application of Driver’s License, Livelihood Trainings, mga serbisyo mula sa Philippine Statistics Authority, Entertainment program para sa PRO 4A dependents, Distribution of food and non-food items at DOST Scholarship.
“Charity begins at home. We must give the best to our personnel for them to give their best in performing their duties”, dagdag pa nya.
Samantala, pinasalamatan naman ni PBGen Paul Kenneth T Lucas, Regional Director ng CALABARZON ang mga kalahok na ahensya na nagbigay ng nasabing serbisyo sa mga miyembro ng PNP CALABARZON at kanilang mga naging benepisyaryo tulad ng Professional Regulation Commission (PRC), Land Transportation Office (LTO), Technical Education and Skills Development Authority (TESDA), Philippine Statistics Authority (PSA), Department of Science and Technology (DOST), Anti-Narcotics International Assistance Group, Japan Tobacco International Philippines, San Miguel Corporation, at Bounty Agro Ventures Inc (Chooks to Go), at Rotary Club of Camp Crame, at ang Regional Advisory Group para sa Police Transformation Development 4A.
Ang matagumpay na pagdiriwang na ito ay tanda na ang kapulisan at mamamayan ay tulong-tulong sa pagpapaunlad ng ating komunidad at handang magbigay serbisyo para sa lahat. Sama-sama ang pulis at komunidad na magiging maunlad sa pag-abot ng mithiin na magkaroon ng Bagong Pilipinas.
Source: PRO4A-PIO
Panulat ni Pat Maria Sarah P Bernales
