Bumisita sa Camp BGen Simeon A. Ola, Legazpi City ang hepe ng Pambansang Pulisya na si PGen Rommel Francisco D. Marbil nitong Hunyo 25, 2024, at pinangunahan ang mga aktibidad sa loob ng PRO5.
Pormal ng binuksan ang bagong Sto. Niño Chapel sa seremonyang banal na misa kung saan pinangunahan ni Rev. Fr. Ronald A. de Jesus, SOLT.
Dumalo sina PMGen Westrimundo Obinque, PBGen Andre P Dizon, PBGen Jason Ortizo, at mga miyembro ng PRO5 at Regional Support Units.
Sinundan ito ng blessing at turn-over ng 17 patrol cars, isang Toyota Hilux, apat na K9, limampung 5.56 MM Galil, at presentation ng donated lots sa PRO5 kung saan personal na dinaluhan ni Gov. Edwin “Boboy” Hamor ng Sorsogon ang turn-over ng 17 Toyota Vios at isang Hilux para sa iba’t ibang police station sa Sorsogon.
Nag-turn-over din ng apat na English Cocker Spaniel Narcotics dogs bilang suporta sa kampanya ng PNP laban sa ilegal na droga, bahagi ng programang 7K sa ilalim ng Katrangkiluhan ng Pamahalaang Panlalawigan ng Sorsogon.
Pinangunahan ni PGen Marbil ang turn-over ng 50 units ng 5.56 mm Basic Assault Rifle Galil sa PRO5 upang palakasin ang kanilang firepower.
Nag-donate din ng 1,613 square meters na lote sa Balatas, Naga City ang lokal na pamahalaan ng Naga at 1,106 square meters na lote sa Barangay Sta. Teresita, Baao, Camarines Sur si Rogelio Peyra ng Bicol Prime Runner Inc.
Ang mga lote ay gagamitin para sa pagpapalawak ng imprastraktura ng PNP.
Taos-pusong nagpasalamat si Gen. Marbil sa mga donasyong sasakyan, K9 units, at lote.
Ginawaran din niya ang ilang personahe ng PRO5 na may significant accomplishments.
At sa kanyang mensahe, pinaalalahanan niya ang lahat na panatilihin ang disiplina at integridad sa kanilang mga tungkulin at binigyang-diin ang kahalagahan ng pagtutulungan bilang isang pamilya sa loob ng PNP.
Panulat ni PSSg Mercolito P Lovendino Jr
