Personal na binisita ni Police General Rommel Francisco D. Marbil, Ama ng Pambansang Pulisya ng Pilipinas, ang pamilya ng nasawing pulis sa operasyon sa Sultan Kudarat, Maguindanao nito lamang ika-19 ng Nobyembre 2024.
Bilang pagkilala sa kabayanihan ni Police Corporal Isaac Kirt Q. Sipin, ginawaran ito ng posthumous Medalya ng Kagitingan (PNP Medal of Valor) at nagbigay si CPNP Marbil ng tulong pinansyal sa kanyang naiwang pamilya.
Ang katapangan at pagsasakripisyo nina PCpl Sipin at Patrolwoman Bulias, na kapwa nag-alay ng kanilang buhay sa operasyon ay nagpamalas ng tapang at nagpapakita ng pagmamahal sa ating bayan upang mapigilan ang paglaganap ng ilegal na droga na sumisira ng magandang kinabukasan ng ating mga kabataan at mapanatili ang kaayusan at kapayapaan sa ating bayan.
