Misamis Oriental – Personal na binisita ni Chief PNP, Police General Rodolfo S. Azurin Jr., ang mga pamilya ng nasawi at sugatang pulis sa nakaraang vehicular accident nito lamang Martes, Pebrero 14, 2023.
Sa pagbisita ni PGen Azurin ay naroon din ang ilang matataas na opisyal ng Philippine National Police upang makiramay.
Nagbigay ng financial assistance sa mga pamilya ng pitong nasawing pulis mula sa Public Safety Mutual Benefit Fund Inc (PSMBFI), Public Safety Savings and Loans Association Inc, (PSSLAI) at Armed Forces and Police Savings and Loans Association, Inc. (AFPSLAI).
Samantala, personal na binisita rin ni PGen Azurin ang mga sugatang pulis sa hospital ng Iligan City upang tingnan at alamin ang kalagayan ng mga ito.
Nagdadalamhati naman ang buong hanay ng Pambansang Pulisya ng Pilipinas sa nangyaring aksidente at sinisiguro na makukuha ang benepisyo ng bawat kaanak ng namatayan.
Panulat ni Patrolman Edwin Baris/RPCADU10
