Quezon City – Inihayag ni Police General Benjamin Casuga Acorda Jr, Chief, Philippine National Police, ang mga isinagawang hakbang, preparasyon at agresibong pagpapatupad ng buong hanay ng Pambansang Pulisya ng Pilipinas para masiguro ang kaayusan at kaligtasan ng bawat kalahok ng FIBA World Cup 2023 na ginanap sa ating bansa nito lamang umaga kasabay sa pagdaraos ng Traditional Monday Flag Raising Ceremony at Awarding of PNP Personnel with Significant Accomplishments na idinaos sa PNP Multi-Purpose Center, Camp Crame, Quezon City.
Sa kanyang mensahe, binigyang-pugay niya ang lahat ng miyembro ng PNP sa maayos at matiwasay na Balik Eskwela 2023 at pagpapanatili ng kaayusan at kaligtasan ng bawat kalahok, mapa lokal man o international guests ng FIBA World Cup 2023 kaagapay ang iba’t ibang ahensya ng gobyerno.
Binigyan din ng parangal ang ilang mga PNP personnel na mayroong katangi-tanging nagawa mula sa larangan ng operatiba at administratibo mula sa Police Community Affairs and Development Group.
Samantala, hinimok din ni PGen Acorda ang hanay na magkaisa, maging handa, panatilihing payapa at maayos ang darating na Barangay at Sangguniang Kabataan Election 2023 sa paghahatid ng pangunahing serbisyo sa anumang oras at sitwasyon.
Panulat ni PSSg Grace Neville Ortiz
