Matagumpay na isinagawa ang Periodic Organizational Audit ng PNP Mobile Forces Team sa mga miyembro ng 1st Agusan del Sur Provincial Mobile Force Company na ginanap sa Barangay Patin-ay, Prosperidad, Agusan del Sur bandang 9:00 ng umaga nito lamang ika-11 ng Oktubre, 2024.
Pinangunahan ng PNP Mobile Force Team sa pangunguna ni Police Colonel Restituto P Lacano Jr., Deputy Regional Director for Operations ng Police Regional Office 13, ang nasabing aktibidad na nagsimula sa pamamagitan ng Opening Prayer na pinangunahan ni PSSg Alexa B Magadan, CCAD PNCO na sinundan ng Welcome Remarks na pinangunahan ni PLtCol Agatep.
Personal na sinuri PCol Lacano ang mga kagamitan at mga personnel ng 1st Agusan del Sur PMFC sa ilalim ng pamumuno ni Police Lieutenant Colonel Nathaniel P Agatep, Acting Force Commander, na naglalayong tiyakin ang mahusay at epektibong operasyon ng PNP Mobile Forces at ang kanilang kakayahang magsagawa ng mga tungkulin para sa kaligtasan ng komunidad.
“Police officers play a vital role in maintaining the safety and security of communities. Indeed, as police officers, being a role model is a key part of the job. Leading by example through humility and self-discipline sets a standard for others to follow. Maintaining these qualities ensures the public sees the police force as a pillar of strength and justice,” ani PCol Lacano.
Panulat ni Patrolwoman Karen Mallillin
