Cagayan – Idineklara ang Peñablanca Police Station na Drug-Free Workplace sa ilalim ng Cagayan Police Provincial Office sa pamamagitan ng isang simpleng seremonya na ginanap noong Pebrero 07, 2023.
Ang programa ay pormal na dinaluhan nina Police Colonel Julio S Gorospe Jr., Provincial Director ng Cagayan PPO, na kinatawanan ni Police Major Nelinda Maramag, C, PIO; Director III Levie S Cortez ng PDEA na kinatawanan ni Ms AI V. Maria Editha Bunagan, Provincial Officer ng PDEA; at ni Hon. Washington M Taguinod, Alkalde ng Peñablanca na kinatawanan naman ni Mr. Marcial Pelagio.
Sentro ng seremonya ang unveiling ng signage bilang tanda na ang istasyon ay isa nang ganap na Drug-Free Workplace.
Ayon sa mensahe na ipinaabot ni PCol Gorospe, binigyan diin niya ang patuloy na pagpapaalala sa mga kawani ng PNP na maging tapat sa tungkulin, maging magandang ehemplo at iwasan ang pagkasangkot sa ilegal na gawain tulad ng droga.
Samantala, ipinaabot din ni Ms. AI Bunagan ang mensahe ni Director Cortez, kung saan ay taos-puso niyang binati ang Peñablanca Police Station dahil ito ay isa nang ganap na drug-free workplace.
Dagdag pa rito, nagbigay din ng mensahe ang butihing Alkalde ng naturang bayan sa pamamagitan ni Mr. Marcial Pelagio, kung saan ay ipinapaabot ang pagbati sa himpilan ng kapulisan ng Peñablanca at patuloy niyang pagsuporta sa lahat ng programa ng himpilan.
Ayon kay Police Major Harold Ocfemia, Officer-In-Charge, dumaan ang kanilang hanay sa iba’t ibang screening katulad ng drug testing ng lahat mga kawani nito at nagresulta ng negatibo.
Iginawad din ang Letter of Commendation sa naturang himpilan bilang pagpupugay sa lahat ng kawani ng Peñablanca Police Station sa kanilang katapatan sa trabaho at patuloy na pagsugpo sa ilegal na droga. Magpapatuloy ang pakikiisa ng Pambansang Pulisya sa iba’t ibang ahensya ng pamahalaan katuwang lokal na pamahalaan at ang mga pribadong sektor upang mapagtagumpayan ang laban kontra ilegal na droga sa pamayanan.
