Peñablanca, Cagayan – Nakiisa ang Peñablanca PNP sa isinagawang Brigada Eskwela ng Alimanao Elementary School sa Brgy Alimanao, Peñablanca, Cagayan nito lamang Biyernes, ika-12 ng Agosto 2022.
Ang aktibidad ay pinangunahan ni Ms. Rosel Bucag, School Principal katuwang ang mga tauhan ng Peñablanca Police Station sa pangangasiwa ni Police Major Harold P Ocfemia, Officer-In-Charge, kasama na rin ang mga guro, mga magulang ng mga mag-aaral at mga tauhan ng Regional Police Community Affairs and Development Unit 2.
Ang aktibidad ay isinakatuparan bilang pakikiisa sa Kick-off ng Brigada Eskwela 2022 na may temang “Brigada Eskwela: Tugon sa Hamon ng Ligtas na Balik-Aral” na naglalayon na mabigyan ng ligtas at malinis na paaralan ang mga mag-aaral sa nalalapit na pagbabalik ng face-to-face classes.
Samantala, nagpasalamat naman ang mga guro ng nasabing paaralan sa lahat ng tulong ng ating pulisya upang mas mapaganda at mapanatiling malinis ang paaralan para sa darating na pasukan.
Tinitiyak naman ng Pambansang Pulisya na patuloy silang maglilingkod at magbibigay ng serbisyo sa mga mamamayan partikular sa pag-aaral ng mga bata para sa kanilang seguridad at kaligtasan.
Source: Peñablanca Police Station
###
Panulat ni Patrolwoman Juliet Dayag
