Isinagawa ang peace covenant signing upang maging ligtas at mayapa ang papalapit na eleksyon sa Dimaporo Gymnasuim, MSU, Marawi City, Lanao del Sur nito lamang ika-15 ng Abril 2025.
Pinangunahan ni Police Brigadier General Romeo Juan Macapaz, Regional Director ng PRO BAR, ang naturang aktibidad na dinaluhan ni Atty. Ray F Sumalipao, Regional Election Director; Armed Forces of the Philippines; at COMELEC-Lanao del Sur.
Ang naturang aktibidad ay naglalayong maitaguyod ang mapayapa at maayos na halalan sa darating na eleksyon sa rehiyon.
Dumalo rin sa aktibidad ang mga tumatakbong kandidato para sa lokal na posisyon, mga lider ng komunidad, at mga kinatawan mula sa iba’t ibang sektor ng naturang lugar.
Naging pangunahing bahagi ang Peace Covenant sa naturang aktibidad, kung saan nangako ang mga kandidato na magpapanatili ng kapayapaan, igagalang ang resulta ng eleksyon, at iiwas sa paggamit ng karahasan o pananakot laban sa kanilang mga kalaban sa pulitika.
Sa pagtatapos ng aktibidad, nagkaisa ang mga dumalo sa panawagang gawing inspirasyon ang halalan upang maitaguyod ang Bagong Pilipinas—isang bansa kung saan namamayani ang kapayapaan, pagkakaisa, at malinis na pamamahala.
Panulat ni Patrolwoman Veronica B Laggui
