Daet, Camarines Norte – Nagsagawa ng Peace Covenant at Signing of Pledge of Commitment para sa S.A.F.E. NLE 2022 ang Camarines Norte PNP sa Camp Wenceslao Q. Vinzons, Sr., Brgy. Dogongan, Daet, Camarines Norte, nitong Abril 30, 2022.
Ang aktibidad ay pinangunahan ni Police Colonel Julius Guadamor, Provincial Director ng Camarines Norte Police Provincial Office kasama ang kinatawan mula sa COMELEC, Local Candidates mula sa labindalawang munisipyo, Philippine Coast Guard, 902nd IB, 9ID Philippine Army at Department of Interior and Local Government.
Nagsindi ng SAFE candles bilang simbolo ng pangangalaga at proteksyon ng integridad para sa gaganaping National and Local Elections 2022.
Tampok din dito ang paglagda sa Pledge of Commitment bilang kasunduan ng mga nasabing grupo para tiyakin at panatilihing mapayapa, maayos at malinis na Halalan 2022.
Sa huling bahagi ng programa ay nagpalipad ng mga puting kalapati na nagsisimbolo ng pag-asa, katapatan, kadalisayan at pagmamahal.
Binigyan diin ni Police Brigadier General Mario Reyes, Regional Director ng Police Regional office 5 ang kanyang battle cry sa darating na halalan ang “ZERO” o Zero Election-Related Occurrence para sa Safe, Accurate, Free/Fair National and Local Elections 2022.
Source: Camarines Norte Police Provincial Office
###
Panulat ni PCpl Shiear “Kye” Velasquez-Ignacio
