Bacolod City – Pinarangalan ni Police Colonel Leo Pamittan, Provincial Director, Negros Occidental Police Provincial Office ang Calatrava Municipal Police Station sa pamumuno ni Police Major Lumyaen Lidawan, bilang isa sa mga nanguna sa Provincewide Unit Performance Evaluation Rating, kasabay sa ginanap na Traditional Flag Raising Ceremony sa Camp Alfredo M Montelibano Sr, Bacolod City, nitong araw, Mayo 2, 2022.
Nanguna ang Calatrava MPS para sa Municipal Level habang pinarangalan naman ang Himamaylan Component City Police Station para sa City Level.
Ang nasabing dalawang police station ang siyang nakakuha ng pinakamataas na rating ng UPER nitong buwan ng Abril 2022 sa buong probinsya ng Negros Occidental.
Ang naturang pagkilala ay bahagi sa mga programa ng PNP na bigyang parangal ang lahat ng mga unit na may katangi-tanging accomplishment alinsunod sa pagpapatupad nito sa lahat ng mga mandato ng organisasyon at sa pagtitiyak ng kaligtasan at kapayapaan sa buong komunidad.
Samantala, pinuri naman ni Police Colonel Pamittan ang dalawang Chief of Police sa matagumpay nitong pagpapatupad sa lahat ng mga programa ng PNP sa kani-kanilang police stations at hinimok ang lahat na pamarisan ang dalawang police station upang mas isapuso pa ang pagpapatupad ng mga sinumpaang tungkulin at masiguro ang kaayusan at kapayapaan sa buong Negros Occidental.
###
