Sa isang pambihirang pagkakataon nakilahok ang masigasig na si Police Colonel Felipe B Maraggun, Provincial Director ng Rizal Police Provincial Office sa 24th Federal Bureau of Investigation National Academy Associates Inc. (FBINAA) Asia-Pacific Retraining Conference na ginanap sa Sheraton Grand Danang Convention Center Vietnam mula Hunyo 23 hanggang Hunyo 26, 2024.
Ang idinaos na programa ay pinangunahan ng Vietnam Police bilang host ngayong taon kung saan ito ay dinaluhan ng iba’t ibang deligado mula sa buong Rehiyon ng Asia Pacific kabilang na rito ang Malaysia, Vietnam, Australia, Thailand, South Korea, Cambodia, Singapore, Bangladesh, India, Taiwan, United States at Pilipinas.
Ang pakikiisa ni Police Colonel Maraggun sa aktibidad ay para sa mga law enforcement agencies ng ating bansa.
Ang pagpupulong na isinagawa sa pakikiisa ng mga nabanggit na bansa ay naglalayong mas palawigin pa ang kaalaman sa paglaban sa transnational na mga krimen at panatilihin ang husay sa pagpapatupad ng mga batas.
Bukod pa dito, ito din ay isa sa paraan upang mas lalo pang pagtibayin ang ugnayan ng Pilipinas mula sa ibang bansa.
Source: Rizal Police Provincial Office
Panulat ni Patrolwoman Angelica Rica S Teng
