Personal na ininspeksyon ni Police Colonel Ferdinand D Germino, Provincial Director ng Nueva Ecija Police Provincial Office, ang mga tindahan ng paputok sa New Sangitan Public Market, Barangay San Isidro, Cabanatuan City, Nueva Ecija nito lamang Lunes, ika-30 ng Disyembre 2024.
Siniguro ni PCol Germino, na ang mga binebentang paputok ay nakarehistro at may kaukulang permit ang bawat tindahan na nagbebenta nito.
Binibigyang-diin nito ang kahalagahan ng pagsunod sa mga itinakdang regulasyon upang matiyak ang kaligtasan ng mga nagbebenta at mamimili.
Pinaalalahanan din ni PD Germino, ang mga nagbebenta ng paputok na sundin ang mga safety measures bilang bahagi ng kanilang responsibilidad para sa kapakanan ng publiko.
Ang hakbang na ito ay naglalayong mabawasan ang panganib ng mga aksidente dulot ng paputok at masiguro ang isang ligtas at masayang pagdiriwang ng Bagong Taon para sa lahat.
