Nakiisa ang mga tauhan ng Police Community Affairs and Development Group (PCADG) sa pamumuno ni Police Brigadier General Lou Evangelista, Director, sa ginanap na Brigada Eskwela sa Batino Elementary School, SPED Center, Brgy. Amihan, Project 3, Quezon City nitong Biyernes, September 15, 2023.
Pinangunahan ni PLtCol Veronica Peñalosa, OIC, CADD, kasama ang mga tauhan mula sa CADD, CRMC at RPCADU-NCR ng PCADG ang naturang aktibidad katuwang ang AFPSLAI Crame Branch, Philippine Center on Transnational Crimes-Interpol National Central Bureau.
Namahagi ang AFPSLAI Crame Branch sa mga estudyante ng 100 school supplies, isang Epson printer, at 5 kahon ng bond paper naman para sa mga masisipag na mga guro. Nagbigay rin ang PCADG-CADD ng mga biscuits para sa mga estudyante ng nasabing paaralan.
Nagkaroon ng maikling storytelling na sinundan naman ng masaya at nakakaindak na intermission number mula sa PNP Dance and Fitness Team kasama ang maskot na sina Pat Magalang at Pat Maringal.
Ang Pambansang Pulisya ay patuloy na makikiisa sa paghahanda at pagpapaganda ng bawat paaralan para sa ligtas at handang pasukan ngayong taon.
Nagpaabot naman ng pasasalamat ang mga guro ng nasabing eskwelahan sa ating mga kapulisan at sa partner sponsor nito na AFPSLAI.
Source: CADD PCADG
Panulat ni Pat Nica Segaya
