Nabigyan ng pagkakataon na makapagbahagi ng adbokasiya at layunin ang Police Community Affairs and Development Group-Central Visayas sa isang kilalang lokal na Radio Station na BOMBO RADYO CEBU na may programang Good Morning Philippines sa segment na “Know Your Uniformed Personnel” na ginanap sa 87-A Borromeo Street, Pahina Central, Cebu City nito lamang Linggo, Abril 7, 2024.
Inimbitahan ni Ms. Cherry Mae Balingit, News Director at Program Host ng Bomba Radyo Cebu ang PCADG Central Visayas upang ipaalam sa publiko ang kanilang mga programa, mission at vision ng unit at papel nito sa PNP.
Sa panayam kay Police Colonel Leoncio B Baliguat Jr., Chief RPCADU 7, ipinaliwanag niya ang kahalagahan ng PCADG sa pagbuo ng isang ligtas at maayos na komunidad, pagtataguyod ng positibong imahe ng pulisya sa pamamagitan pagsasa publiko ng mga Administrative at Operational accomplishment ng bawat Regional Police Offices tulad ng pagsasagawa ng iba’t ibang aktibidad kagaya ng pakikisalamuha sa mga mamamayan, pagsasagawa ng outreach programs, Clean-up Drive at iba pa.
Sa kasalukuyan, ang social media ay isa sa pinakamahalagang plataporma upang maihatid ang impormasyon sa publiko. Ito ang lugar kung saan lumalabas ang maraming balita. Ang PCADG ay nagbibigay ng tunay at totoong impormasyon tungkol sa mga tagumpay ng pulisya at ang kanilang mga proyekto upang mapanatili ang kaayusan at seguridad sa komunidad.
Ang nasabing programa ay makikita o mapapanood ng Live sa Facebook page ng BOMBO RADYO CEBU.
Sa kabuuan, ang aktibidad ay napakalaking pagkakataon upang mabigyan ng sapat na impormasyon ang publiko sa malaking bahagi ng PCADG, ang isa sa mga unit ng organisasyon na pangunahing nakatuon sa pagpapalakas ng ugnayan sa komunidad. Dagdag pa ang lumalalim na pag-unawa at pagtitiwala ng mamamayan sa kapulisan, tiyak ang seguridad at kaayusan ng pamayanan.
“We don’t stop by creating community relations, we would rather be a community partner and collaborator. We also want the community-the co-owners of peace and order in their respective locality. That’s why we are called the heart and soul of policing.” dagdag pa ni PCol Baliguat.
