Nagsagawa ng Community Outreach Program ang mga estudyante ng Police Community Affairs and Development Course (PCADC) Class 02-2022R1 mula sa Police Regional Office 1 sa Brgy. Upper Cabalitocan, Luna, La Union nitong ika-18 ng Oktubre 2022.
Ang naturang aktibidad ay bahagi ng Community Immersion Program ng mga estudyante ng PCADC na binubuo ng mga Police Commissioned Officers at Police Non-Commissioned Officers mula sa Police Regional Office 1 at Regional Support Units (RSUs).
Kabilang sa aktibidad na isinagawa ay ang lecture patungkol sa Republic Act 9262, pamimigay ng libreng gamot, pamamahagi ng mga water containers, flashlights, groceries para sa mga benepisyaryong pamilya, habang sa mga kabataan naman ay namigay sila ng school supplies, tumblers, kapote, rain boots, stuff toys at mga damit.
Ang aktibidad ay dinaluhan din ng mga opisyales ng nabanggit na barangay at labis ang kanilang kasiyahan sapagkat napili ng mga kapulisan ang kanilang lugar upang bigyan ng tulong.
Ang mga benepisyaryo ng Community Outreach Program ay 42 pamilya at 50 kabataan kung saan taos-puso ang kanilang pasasalamat sa kanilang biyayang natanggap.
Lahat ng ating mabuting adhikain para sa ating kapwa ay ating maisakakatuparan kung tulong-tulong tayo.
Source: PCADC Cl 02-2022R1 Students
Panulat ni PSSg Vanessa Natividad/RPCADU1
