Sa pagbubukas ng Bagong Taon, nagdala ng pag-asa at inspirasyon si Police Brigadier General Jack L Wanky, Regional Director ng Police Regional Office 6, kasama ang R-PSB Team Manika sa Indigenous Peoples (IP) community sa Libacao, Aklan nito lamang ika-1 Enero 2025.
Ang espesyal na okasyon ay sinimulan sa pamamagitan ng isang Misa Eucharistia na pinamunuan ni Rev. Fr. Jun Alden M. Abella, Parochial Vicar ng Saint Catherine of Alexandria Parish.
Personal na namahagi si PBGen Wanky ng mga regalo na hygiene kits at mga pagkain sa mga miyembro ng IP community at mga dumalo bilang bahagi ng kanyang layuning palakasin ang ugnayan ng pulisya at komunidad, lalo na sa mga Geographically Isolated and Disadvantaged Areas (GIDAs).
Sinundan ito ng isang boodle fight lunch kasama sina Police Colonel Roland V Bulalacao, CRS, mga opisyal at miyembro ng Aklan Police Provincial Office at mga residente ng nasabing lugar.
Lubos na ikinagalak ng IP community ang inisyatibang ito ng PNP na nagbigay liwanag at pag-asa sa kanilang pagdiriwang ng Bagong Taon.
Ang nasabing aktibidad ay naging simbolo ng pagkakaisa at pagmamalasakit sa kapwa.
Matapos ang programa, binisita rin ni PBGen Wanky ang 3rd Maneuver Platoon ng 1st Aklan Provincial Mobile Force Company upang kilalanin ang kanilang dedikasyon at hikayatin ang patuloy na pagkakaisa, kahandaan, at pakikipagtulungan ng PRO6 sa buong rehiyon.
Ang makataong adhikaing ito ay nagsisilbing paalala na higit pa sa serbisyong pangkapulisan, ang PRO6 ay nariyan upang maglingkod, magmalasakit, at maging bahagi ng pagbabago para sa mas maaliwalas na kinabukasan.
Source: PBGEN JACK L WANKY FB PAGE / 1st Aklan PMFC FB Page
Panulat ni Pat Andrea Dominique Depalubos
