Nagsagawa ng Command Visit si Police Brigadier General Leon Victor Z Rosete, Acting Regional Director ng Police Regional Office 11, ang mga tauhan nito sa Davao Occidental Police Provincial Office nito lamang Nobyembre 11, 2024.
Sinimulan ang mainit na pagtanggap kay Heneral Rosete sa pamamagitan ng foyer honor bilang pagpapakita ng respeto at paghanga ng mga kanyang mga tauhan.
Sa kanyang “Talk to Men,” hinarap ni PBGen Rosete, ang mga kawani at nagbigay ng isang makapangyarihang mensahe na nagbigay-diin sa kahalagahan ng dedikasyon sa serbisyo, disiplina, at ang patuloy na pagsusumikap para sa kahusayan sa pagpapatupad ng batas.
Nagpapatibay sa pangako ng pagpapanatili ng kapayapaan at seguridad at kinilala ang walang sawang pagsisikap ng mga tauhan ng Davao Occidental PNP sa kanilang tungkulin na protektahan at maglingkod sa komunidad.
Panulat ni Patrolwoman Shairra Rose A Aquino
