Silang, Cavite – Opisyal nang nanumpa bilang bagong Acting Director ng Philippine National Police Academy si Police Brigadier General Eric E Noble sa isinagawang Turn-over of Office Ceremony sa Camp General Mariano Castañeda, Silang, Cavite nito lamang Sabado, Agosto 13, 2022.
Si PBGen Noble ay dating Director ng Police Community Affairs and Development Group at ngayon ay itinalaga ni Police General Rodolfo S Azurin Jr., C, PNP, bilang Acting Director ng naturang akademya.
Malugod na sinalubong si PBGen Noble ng mga kadete sa pangunguna ni PBGen Angeles Geñorga Jr., Host at Dean ng Akademya.
Nagpapasalamat naman si PBGen Noble sa lahat ng mga kadete at staff ng akademya dahil sa kanilang iginawad na parangal.
Hinikayat niya ang mga ito na suportahan ang kanyang pamumuno upang maihatid ang magandang kalidad ng pag-aaral at pagsasanay sa mga susunod na magiting na lider ng bansa.
Pinaalalahanan din niya ang mga kadete na maging responsable sa mga tungkulin, magalang sa mga upperclass, isapuso ang mga ethical standards, maging modelo sa bawat isa at dapat maging open sa lahat ng komunikasyon.
###
Panulat ni Police Staff Sergent Donabel Dulin
