Isinagawa ang Talk to Men ni Police Brigadier General Romeo J Macapaz, Regional Director ng Police Regional Office Bangsamoro Autonomous Region sa iba’t ibang Municipal Police Station ng Maguindanao del Sur Police Provincial Office kasama si Maguindanao del Sur Provincial Director Police Colonel Ryan Bobby C Paloma nito lamang ika-4 ng Marso 2025.
Sa kanyang pagbisita, nakipag-ugnayan si PBGen Macapaz sa mga tauhan ng pulisya upang ipaalala ang mga tagubilin ng Philippine National Police ukol sa pagpapanatili ng neutrality, propesyonalismo, at mahigpit na pagsunod sa mga alituntuning may kaugnayan sa halalan.
Binigyang-diin nito ang mahalagang papel ng mga pulis sa pangangalaga ng demokrasya sa pamamagitan ng pagpigil sa anumang uri ng dayaan, pananakot, o karahasan kaugnay ng halalan.
Layunin ng pagbisita na suriin ang kahandaan ng mga istasyon ng pulisya sa pagpapanatili ng mapayapa, maayos, at ligtas na 2025 National and Local Elections at BARMM Parliamentary Election.
Nanatiling nakatuon ang PRO BAR sa mandato nitong tiyakin ang isang ligtas at maayos na eleksyon.
Samantala, patuloy pa ring nagsasagawa ang PRO BAR ng monitoring, koordinasyon, at pagsasaayos ng mga hakbang sa seguridad habang papalapit ang Mayo 2025 Elections.
Panulat ni Pat Veronica Laggui
