General Santos City – Binisita ni PBGen Jimili Macaraeg, Regional Director ng Police Regional Office 12 ang mga paaralan sa General Santos City nito lamang unang araw ng face-to-face classes, Agosto 22, 2022.
Kasabay sa kanyang pagbisita sa mga paaralan ng nasabing lungsod, kanya ring sinuri ang mga kapulisan na itinalaga sa mga paaralan upang magbigay seguridad sa mga estudyante upang mapanatili ang kaayusan at kaligtasan ng bawat mag-aaral, magulang gayundin ang ating mga guro.
Ayon kay PBGen Macaraeg, dalawang taon na ang lumipas bago nabuksan sa publiko ang mga paaralan para sa mga mag-aaral, upang mas lalong matiyak ang kaligtasan ng bawat isa ngayong pagbubukas ng klase.
May kabuuang 925 security personnel sa buong rehiyong 12 ang idineploy sa mga paaralan para manungkulan sa mga naitatag na Police Assistance Desks (PADs) para magsagawa ng foot at mobile patrols, tumulong sa maayos na daloy ng trapiko at matiyak ang buong pagpapatupad ng “Ligtas Balik-Eskwela 2022”.
Sa kabilang banda, dinagdagan pa ng PRO12 ang mga nakadeploy sa kapulisan sa Pampublikong Terminal upang matiyak ang kapayapaan at kaayusan sa pagbabalik ng face-to-face classes.
Source: Police Regional Office 12 – public information office
###
Panulat ni Patrolman Khnerwin Jay A Medelin
