Taytay, Rizal – Binisita ni Police Brigadier General Robert Gallardo, Deputy Director, Directorate for Research and Development/Task Force “Bantay Bihis” Commander ang Rizal Police Provincial Office sa Camp BGen Licerio I Geronimo, Taytay, Rizal nito lamang Biyernes, Setyembre 2, 2022.
Malugod na sinalubong ni Police Lieutenant Colonel Jaycon Ramos, Deputy Provincial Director for Administration si PBGen Gallardo sa kanyang pagbisita at sinundan ng paggawad ng Foyer Honors.
Ayon kay PBGen Gallardo, ang Tamang Bihis ay hindi lang sa paninita kundi alamin din ang panig ng mga kapulisan na nasa field office kung paano pa mapapaganda ang uniporme para higit na makapaglingkod sa bayan na may komportableng paggalaw at pagkakaroon ng presentableng itsura kapag humaharap sa komunidad.
Sinundan naman ng Ceremonial Destruction of Worn-Out Uniforms kung saan ipinaliwanag ni PBGen Gallardo ang SOP sa pagdidispose ng mga luma at sirang mga uniporme.
Nagsagawa din ng Rank Inspection ng Search and Rescue (SAR) Uniform at ipinaalala na bumili lamang sa mga authorized supplier na may Certificate of Conformity (COC).
Nagkaroon din ng Focus Group Discussion ng mga Police Commissioned Officers (PCOs), Police Non-Commissioned Officers (PNCOs) at Non-Uniformed Personnel (NUP) upang makausap ang mga personnel kung may mga komento sa mga uniporme at magbigay ng suhestyon ukol dito.
Nagtapos ang aktibidad sa isang Leader’s Key Informant Interview.
Source: Rizal Police Provincial Office
Panulat ni Police Staff Sergeant Donabel Dulin
