Pinangunahan ni Police Brigadier General Lou F Evangelista, Regional Director ng Police Regional Office 1, ang pag-inspeksyon sa mga Polling Precint sa Ilocos Norte partikular sa mga paaralan kung saan boboto sina PBBM nito lamang Mayo 11, 2025.
Kabilang sa mga paaralan na pinuntahan ni PBGen Evangelista at ng kanyang kasamahan ang Calayab Elementary School na pagbobotohan nina First Lady Liza Marcos at mga anak nila na sina Rep. Sandro, Joseph Simon, at William Vincent.
Nagtungo rin ang nasabing grupo sa Cabeza Elementary School kung saan boboto rito si Sen. Imee Marcos.
Sumunod sa kanilang pinuntahan ay ang Mariano Marcos Memorial Elementary School kung saan boboto naman sina President Ferdinand “Bongbong” Marcos Jr. at ng kanyang ina na si former first lady Imelda Marcos.
Sa pag-iikot ni PBGen Evangelista, nakakasiguro ang publiko na naka-alerto at handa ang mga pulis ng Rehiyong Uno sa Halalan 2025.
