Pormal ng nanumpa ang 600 Newly Appointed Patrolmen at Patrolwomen para sa CY 2024 Regular at Attrition Recruitment Program na pinangunahan mismo ni Police Brigadier General Constancio T Chinayog Jr., Acting Director ng Directorate for Personnel and Records Management bilang Inducting Officer nito lamang ika-19 ng Disyembre 2024 sa Camp Jesse M. Robredo, Regional Training Center 7, Brgy. Jugan, Consolacion, Cebu.
Kabilang sa dumalo sa nasabing seremonya ay sina Police Brigadier General Roy Bardelosa Parena, Officer-In-Charge ng PRO7; Atty. Risty N. Sibay, Assistant Regional Director ng NAPOLCOM Region 7; Police Colonel Greg A. Soliba, Chief ng RTC 7; at mga miyembro ng Regional Staff.
Ang seremonya ay sumentro sa 488 na lalaking recruits at 112 na babaeng recruits—100 mula sa regular quota at 500 mula sa attrition quota. Kabilang din dito ang 21 recruits mula sa Region 8, na isinama upang makompleto ang kinakailangang bilang para sa quota.
Sa kanyang talumpati, binigyang-diin ni PBGen Chinayog ang kahalagahan ng pagiging tapat, disiplinado, at moral sa tungkulin bilang tagapagpatupad ng batas. Hinikayat niya ang mga recruits na sumunod sa mahigpit na alituntunin at magsanay nang maigi upang matugunan ang mataas na pamantayan ng serbisyo.
Pinaalala rin niya ang bigat ng responsibilidad na kanilang haharapin, at ang pangangailangang ipakita ang integridad sa bawat aspeto ng kanilang trabaho.
Ang mga recruits ay sasailalim sa masusing pagsasanay para sa Public Safety Basic Recruit Course at Public Safety Field Training Program na pangangasiwaan ng mga tagapagsanay ng RTC 7.
Ang programa ay layuning ihanda sila sa mga hamon ng pagiging alagad ng batas at masiguro ang kanilang kahandaan sa pagtugon sa pangangailangan ng komunidad.
Panulat ni Pat Carla Jane B Tanio
