Cagayan de Oro City – Ipinahayag ng Ama ng Rehiyon 10 na “generally peaceful” at “successful” ang pagdaraos ng 2022 National and Local Elections sa kabila ng kaunting insidente sa ilang bahagi ng rehiyon nitong Mayo 9, 2022.
Ipinahayag ni Police Brigadier General Benjamin Acorda Jr., Regional Director ng Police Regional Office 10, na walang malalaking insidente ng karahasan na naiulat sa Hilagang Mindanao.
“May mga apprehensions tayo, power interruptions, malfunctions of vote counting machines, other reported incidents of harassments, and vote buying.”
Dagdag pa ni PBGen Acorda, nakapagtala ng 78 insidente kaugnay ng COMELEC Gun Ban mula Enero 9 hanggang matapos ang halalan 2022.
“Laking pasasalamat ko sa lahat na naging instrumento ng mapayapang eleksyon, sa AFP, Coast Guard, iba pang ahensya, sa COMELEC at lalo na sa komunidad para tumugon kami sa anumang insidenteng naiulat nila.” ani PBGen Acorda.
Ipinaabot din ni Regional Director Acorda ang kanyang pagpapahalaga sa lahat ng miyembro ng Police Regional Office 10 para sa matagumpay na pagpapatupad ng mandato na naging daan sa ligtas, patas at malinis na halalan sa buong Northern Mindanao.
###
Panulat ni Patrolman Nicole Villanueva/RPCADU 10
