Matapos ang pagsasagawa ng lingguhang Command Conference ng Police Regional Office 7 nitong Lunes, Setyembre 18, 2023, isinailalim ang mga matataas na opisyales nito sa isang surprised drug test na pinangunahan ni PBGen Anthony A Aberin, Regional Director.
Sumailalim sa naturang drug test ang Heneral, miyembro ng Command Staff, Division Chiefs, maging ang mga Hepe ng mga National Support Units.
Ang nasabing random Drug test ay bahagi ng mga patuloy na hakbang sa paglaban sa ilegal na droga at mapanatiling malinis ang integridad ng lahat ng kapulisan lalong lalo na ang mga matataas na opisyales nito.
Pahayag ni Police Brigadier General Aberin, “I started with the pronouncement that everyone under this command should observe the basics and that we shall never tolerate any wrongdoing within the ranks, especially among senior officers.”
