Mahigpit na ipinatupad ng mga tauhan ng Police Regional Office 3 ang seguridad sa pagbisita ni Pangulong Ferdinand “Bongbong” Marcos Jr. para sa inspeksyon ng bagong proyekto ng pamahalaan sa Sacobia Bridge, Mabalacat City, Pampanga nito lamang Miyerkules, ika-21 ng Pebrero 2024.
Sa ilalim ng pamumuno ni Police Brigadier General Jose S Hidalgo Jr., Regional Director ng PRO 3 ay siniguro nila ang kaligtasan ng pangulo habang ito ay nag-inspeksyon sa ginagawang proyekto na Airport to New Clark City Access Road (ANAR).
Patuloy naman ang Pambansang Pulisya sa pagbibigay ng suporta sa mga proyekto at programa ng pamahalaan tungo sa mas maunlad at ligtas na bansa.
Panulat ni Pat Jilly Peña
