Arestado ang isang payloader driver matapos makumpiskahan ng tinatayang Php250,000 halaga ng shabu sa ikinasang buy-bust operation ng General Santos City Police Station 2 sa Brgy. Conel, General Santos City bandang 11:02 ng gabi nito lamang ika-11 ng Enero 2024.
Kinilala ni Police Major Robert Fores, Station Commander ng General Santos City Police Station 2, ang suspek na si alyas “Cardo”, 40, at residente ng Brgy. Labangal, General Santos City na nahulihan ng walong pakete ng hinihinalang shabu na may kabuuang bigat na 36.87 gramo na nagkakahalaga ng Php250,000; isang pirasong Php1,000 bill bilang buy-bust money at iba pang drug paraphernalia.
Ipagpapatuloy ng General Santos City PNP ang kampanya at operasyon laban sa droga upang pigilan ang lahat ng sangkot na kriminal at mabigyan ng kaligtasan at seguridad ang lugar na kanilang nasasakupan.
Panulat ni Patrolwoman Reacel R Gultimo
