Puno ng pagmamalaki at suporta ang buong Dabawenyo kay Patrolman Regner C Trobillas para sa nalalapit nitong pagsabak sa Grand Finals ng Singing Cops of the Philippines 2024 nito lamang Setyembre 27, 2024.
Ang prestihiyosong pagtatanghal na ito ay gaganapin sa Music Museum ng San Juan City at magsisimula ng 6:00 ng gabi.
Labis naman ang naging paghahanda ni Patrolman Trobillas at lumipad na ito kaninang umaga mula Davao City.
Aniya pa ni Patrolman Trobillas, ang patimpalak na ito ay mahalaga para sa kanya sapagkat magagamit niya ang kanyang propesyon at talento upang makatulong sa kanyang kapwa pulis na naghihirap dahil sa cancer.
Dagdag pa nito, ipagpapatuloy niya ang kanyang pagkanta hindi lamang para sa kanyang sarili at sa kanyang pamilya, kung hindi para na rin sa iba na maaaring matulungan ng kanyang pagkanta at makapulot ng inspirasyon mula rito.
