Davao de Oro – Arestado ang isang pastor sa patuloy na isinasagawang Manhunt Charlie operation ng Maco PNP sa Purok Ernan, Brgy. Binuangan, Maco, Davao de Oro, noong Nobyembre 9, 2022.
Kinilala ni Police Major Madtaib Jalman, Acting Chief of Police ng Maco Municipal Police Station, ang suspek na si alyas “Pastor Jhan”, 34, residente ng Brgy. Binuangan, Maco, Davao de Oro na tinaguriang Most Wanted Person.
Ayon kay PMaj Jalman, inaresto ang suspek sa bisa ng Warrant of Arrest sa mga kasong 5 Counts ng Rape at 4 Counts ng Lascivious Conduct sa ilalim ng Sec. 5(B) ng Republic Act 7610.
Dagdag pa ni PMaj Jalman, naaresto ang suspek ng pinagsamang tauhan ng Maco MPS at Maritime 11 kasama ang Regional Special Operation Group 11 at 1101st Regional Mobile Force Battalion 11 katuwang ang 2nd Davao De Oro Provincial Mobile Force Company.
Ang pagkakadakip sa suspek ay resulta ng patuloy na pagsisikap ng Police Regional Office 11 na hulihin ang mga wanted person sa rehiyon onse sa tulong na ibinibigay ng mga mamamayan sa kapulisan ay makakamit ang kaayusan at kapayapaan tungo sa kaunlaran ng bansa.
Panulat ni Patrolman Alfred Vergara
