Maagap na nirespondehan ng mga tauhan ng Pasay City Police Station ng Southern Police District ang mga residente ng Maricaban, Pasay City na biktima ng pagbaha na dulot ng Bagyong Carina nito lamang umaga ng Miyerkules, Hulyo 24, 2024.

Ang naturang pagrescue ay pinangunahan ni Police Captain Glen R Mangalindan, Officer-In-Charge ng Sub-Station 7 sa ilalim ng pamumuno ni Police Colonel Samuel B Pabonit, Acting Chief of Police ng naturang istasyon.
Kabilang sa mga barangay na kanilang sinusubaybayan ay ang Barangay 180, Barangay 181, Barangay 182, at Barangay 184 na sadyang lubog na sa baha.

Laking pasasalamat naman ng mga residente ng lugar sa mga kapulisan dahil nakaantabay sa kanila ang mga ito na maaaring malapitan sa oras ng pangangailangan.
Paalala lamang ng PNP na mag-ingat sa lahat ng oras at patuloy na magsumikap ang pulisya na mapanatiling ligtas ang mamamayan sa panahon ng kalamidad. Dagdag nito, hinihikayat din ng hanay ang pakikiisa at pakikipagtulungan ng komunidad.
Source: Pasay City Police Station
Panulat ni PSSg Remelin M Gargantos
Maraming salamat pnp aa inyong tulong.saludo po kami sa inyo