Maguindanao – Arestado ang isang Top 4 Regional Most Wanted Person ng Police Regional Office BAR Airport sa kasong paglabag sa RA 11479 noong Marso 13, 2023 sa Cotabato Airport.
Nadakip ang suspek sa pinagsamang pwersa ng mga miyembro ng Cotabato Airport Police Station (CAPS), CIDG RFU BAR RSOT, CIDG Maguindanao PFU, Lanao Del Sur PFU, Cotabato CFU, 1404th RMFB, CIT Cotabato-RIU 15
Ayon kay Police Lieutenant Colonel Pedro Alagano Jr, OIC, AVSEU BAR, ang nasabing suspek ay papaalis na pasahero patungong Manila at kinilalang si Abdulwadod Sangki a.k.a. Abdulwadud Amolan Sangki, lalaki, 23, kasalukuyang SK Federation President ng Ampatuan, Maguindanao, at sangkot sa bombing incident noong May 9, 2022, National and Local Elections sa Datu Abdullah Sangki Elementary School, Poblacion, Ampatuan Maguindanao.
Ang suspek ay nahaharap sa kasong paglabag sa RA 11479 o Anti-Terrorism Act of 2020 (2 counts).
Patuloy ang pagpapaigting ng pwersa ng buong hanay ng Aviation Security Group upang mapangalagaan at maikulong ang mga lumabag sa kapayapaan at kaayusan ng bansa.
