Arestado ng PNP ang isang pasahero patungong Maynila sa Davao International Airport, Davao City noong Disyembre 29, 2022.
Ang pagkakaaresto sa suspek ay bunga ng magkatuwang na operasyon ng mga tauhan ng Asuncion Municipal Police Station, PRO 11 at Aviation Security Group sa pamumuno ni PBGen Anthony Aberin, Director ng AVSEGROUP.
Ang suspek ay inaresto dahil sa kasong paglabag sa RA 7610 o Special Protection of Children Against Abuse, Exploitation and Discrimination Act”.
Ayon kay PBGen Aberin, “Kami ay maglilingkod sa mga tao 24/7 at ang aming kampanya ay tuloy-tuloy sa mga taong may kaukulang kaso o pananagutan sa ilalim ng batas”.
Patuloy ang maigting na pagpapatupad ng batas ng ating Pambansang Pulisya upang masiguro ang ligtas at mapayapang selebrasyon ng yuletide season.
