Pampanga – Arestado ang isang pasahero mula sa Dubai sa Clark International Airport, Mabalacat City, Pampanga nitong Marso 18, 2023.
Kinilala ni Police Colonel Florencio Soriano, Chief, AVSEU 3, ang suspek na si alyas “Loho”, married at nakatira sa Rosario, La Union.
Ayon kay PCol Solriano, naaresto ang suspek sa bisa ng Warrant of Arrest ng pinagsamang pwersa ng mga operatiba ng Rosario Municipal Police Station, La Union PPO at AVSEU 3 Clark International Airport Police Station sa kasong paglabag sa R.A. 9262 o Violence Against Women and their Children Act of 2004.
Patuloy naman sa pagpapaigting ng seguridad ng buong hanay ng AVSEGROUP upang masiguro ang kaligtasan ng bawat pasahero sa kanilang paliparan.
