Parañaque City — Isinagawa ng Parañaque City PNP ang Parañaqueños Mobile Free Market at Sapatos ni Chief para sa mga Bulilit sa Purok 1 Covered Court, Silverio Compound, Brgy San Isidro, Parañaque City nito lamang Miyerkules alas-5:00 ng hapon, May 11, 2022.
Ang programa ay pinangunahan ni Police Colonel Maximo Sebastian, Jr, Chief of Police ng Parañaque City Police Station kasama ang Community Affairs Section sa pangunguna ni Police Lieutenant Judilyn Kodiamat, mga miyembro ng Parañaque KKDAT, at mga miyembro ng Unified Force Multipliers.
Namahagi ng food packs, school shoes, at health kits sa 230 benepisyaryo na dumalo sa aktibidad.
Nagkaroon din ng Information Drive thru Bandillo at Distribution of Flyers ang hanay ng Parañaque CPS upang patuloy na paalalahanan ang mga benepisyaryo sa lugar na laging sundin ang protocol ng IATF, at higit sa lahat, magkaroon ng kamalayan tungkol sa Anti-Terrorism/ELCAC, Anti-Illegal Drugs, Anti-VAWC at mga tip laban sa Kriminalidad.
Ang aktibidad na ito ay naglalayong magpaabot ng tulong at maabot ang mga pinaka-apektadong sektor sa komunidad sa gitna ng pandemyang ito.
Source: Parañaque Tagapag-Ugnay
###
Panulat ni PSSg Remelin Gargantos
