Benguet – Muling umarangkada ang isa sa best practices ng Regional Mobile Force Battalion 15 na “Panag-aywan Iti Kailyan” na ginanap sa JAPA Primary School, Topdac, Atok, Benguet nito lamang ika-12 ng Setyembre 2023.
Ayon kay Police Lieutenant Colonel Ruel Tagel, Acting Force Commander, RMFB 15, naging tampok sa aktibidad ang pagsasagawa ng medical mission, libreng eye check-up, pamamahagi ng libreng vitamins, dental care package, RTW na mga damit at noodles.
Nagkaroon din ng turn-over ng mga libro at school supplies sa 152 mag-aaral mula Grade 1 hanggang 6 ng JAPA Primary School.
Nakiisa din sa aktibidad ang Regional Medical Dental Unit Cordillera (RMDU), Drugstore Association of the Philippines – Benguet Chapter (DSAP), Redcross of the Philippines Benguet Chapter, Integrated Philippine Association of Optometrist Benguet Chapter / Benguet Association of Optometrist and ALDRTZ Corporation sa pakikipag-ugnayan sa Benguet Provincial Police Office (BPPO), Atok Municipal Police Station at Regional Forensic Unit (RFU).
Ang “Panag-aywan Iti Kailyan” ay isang local term na ang ibig sabihin ay Pangangalaga sa Komunidad na naglalayong maghatid ng serbisyo sa komunidad bilang pagtalima sa isa sa 5-Focused Agenda ng Hepe ng Pambansang Pulisya na Community Engagement at bilang pagsuporta sa PRO Cordillera’s 3-Fold Agenda – DKP ang “Pagtupad at Pagmamahal sa Tungkulin”.
