Davao City – Nagtulong-tulong ang mga tauhan ng Revitalized-Pulis sa Barangay sa pagtatayo ng pampublikong palikuran bilang bahagi ng Quick Impact Project (QIP) para sa mga residente ng Brgy. Mapula, Paquibato District, Davao City, nito lamang Mayo 13, 2022.
Layunin ng R-PSB sa pangunguna ni PLt James Balbin Jr at PMaj Joenel Pederio na magkaroon ng maayos at malinis na palikuran ang mga residente sa lugar upang maiwasan ang anumang sakit at maging malinis ang kanilang komunidad.
Taos puso naman ang naging pasasalamat ng mga residente sa lugar dahil malaking tulong ang nasabing proyekto para sa mga matatanda lalo na sa mga kabataan sa lugar na walang sariling palikuran.
Walang sawa ang bawat R-PSB ng Police Regional Office 11 sa pamumuno ni PBGen Benjamin Silo Jr sa pagpapaabot ng iba’t ibang tulong lalo na sa mga Geographically Isolated and Disadvantaged Areas (GIDAS).
###
Panulat ni Patrolwoman Rose Ann Delmita
