Paracelis, Mountain Province – Naghandog ang 2nd Mountain Province Provincial Mobile Force Company ng pampublikong palikuran sa Anonat, Paracelis, Mountain Province nito lamang Lunes, Hunyo 20, 2022.
Ayon kay Police Lieutenant Colonel Roy Awisan, Force Commander, 2nd Mountain Province PMFC, ang konstruksyon ng nasabing proyekto ay nagsimula noong Abril 5, 2022 at matagumpay na natapos nitong buwan dahil na rin sa tulong ng volunteers at residente ng barangay.
Ayon pa kay PLtCol Awisan, ang matagumpay na pagpapatayo ng proyekto ay mula sa boluntaryong kontribusyon ng bawat personnel ng kanilang yunit at iba pang stakeholders.
Layunin ng 2nd Mountain Province PMFC na magkaroon ng maayos at malinis na palikuran ang mga nakatalaga sa quarantine control point at para na rin sa mga motorista na dumadaan dito upang maiwasan ang anumang sakit at mapanatiling malinis ang kanilang komunidad.
Ang proyekto na ito ay isa lamang patunay ng pagkakaisa at malasakit ng 2nd Mountain Province PMFC hindi lamang para sa kanilang nasasakupan kundi maging sa kanilang kasamahan sa serbisyo.
Source: 2nd Mountain Province PMFC
###
Panulat ni Police Corporal Melody Pineda
