Malaybalay City – Timbog ang isang lalaki matapos nakuhaan ng pamsabog at baril ng Malaybalay PNP nito lamang Mayo 23, 2022.
Kinilala ni Police Colonel Jun Mark Lagare, Provincial Director ng Bukidnon Police Provincial Office, ang suspek na si Ryle John Gabayan Villasan, residente ng Barangay Sinanglanan, Malaybalay City, Bukidnon.
Ayon kay PCol Lagare, naaresto ang suspek dakong 3:30 ng madaling araw sa naturang lugar ng mga operatiba ng Malaybalay City Police Station mula sa sumbong ng isang concerned citizen.
Ayon pa kay PCol Lagare, tinurn-over ni Brgy. Captain Nono Aldeguer sa mga tauhan ng Malaybalay PNP ang suspek at ang nakumpiskang armas na Cal. 45; dalawang live cartridge at Mk2 hand fragmentation grenade.
Ang suspek ay mahaharap sa kasong paglabag sa Republic Act 10591 o Comprehensive Firearms and Ammunition Regulation Act at Omnibus Election Code.
Ang Malaybalay PNP ay patuloy na gagampanan ang tungkulin na bantayan at pangalagaan ang katahimikan ng lungsod na nasasakupan.
###
Panulat ni Patrolman Joshua Fajardo /RPCADU 10
