Nagsagawa ang mga tauhan ng Surigao Del Sur Police Provincial Office ng “Pamilya ng Pulis” (PNP) Family Day” na ginanap sa Camp Vicente L Pimentel Sr., Tandag City, Surigao del Sur nito lamang Setyembre 8, 2024.
Pinangunahan ni Police Colonel Harry B Domingo, Provincial Director ng Surigao del Sur Police Provincial Office, ang nasabing aktibidad katuwang ang Provincial Health Office, TESDA Surigao del Sur at mga stakeholders na nagbigay ng libreng mga serbisyo.
Nakilahok ang humigit kumulang 100 PNP dependents at nabigyan ng libreng serbisyo tulad ng medical check-up, libreng bitamina, dental kit, at kulambo na isinagawa ng Surigao del Sur PMDU, TESDA at Provincial Health Office.
Kabilang din sa mga isinagawa ang Fun games, mascot entertainment, libreng pagkain at giveaways mula sa Mc Donalds, at Jollibee Tandag City.
Layunin ng nasabing aktibidad ay itaguyod ang pagkakaisa, pagbibigay ng libreng serbisyo at kagalakan sa mga kalahok na nagpapatibay sa kahalagahan ng pamilya at komunidad sa loob ng Pambansang Pulisya ng Pilipinas.
Patuloy ang Surigao del Sur PNP sa pagsasagawa ng ganitong aktibidad upang palakasin ang ugnayan ng komunidad at suporta sa mga pulis at kanilang mga pamilya para sa mas epektibong serbisyo at mas mataas na moral sa loob ng PNP tungo sa isang maayos at ligtas na Bagong Pilipinas.
Panulat ni Patrolwoman Karen Mallillin
