Itogon, Benguet (February 10, 2022) – Nakatanggap ng tulong pinansyal ang pamilya ng 10-anyos na batang babae na biktima ng panggagahasa sa Barangay Ampucao, Itogon, Benguet noong Pebrero 10, 2022.
Sinagot ni Congressman Eric Yap, ACT-CIS at Benguet Caretaker ang papalibing sa biktima at Php50,000 na financial assistance para sa naulilang pamilya.
Ang naarestong suspek ay kinilalang si Gilbert Sarabia Salinas, 40 anyos, minero at residente ng Itogon, Benguet na kasalukuyang nakakulong sa Itogon Police Station.
Ang suspek ay nahuli-cam na may pasan na sako na pinaniniwalaang naglalaman ng katawan ng 10-anyos na batang babae.
Ang suspek ay nahaharap ngayon sa kasong panggagahasa at pagpatay.
Sisiguraduhin naman ni Cong. Yap na maipapataw sa korte ang mabigat na kaparusahan laban sa suspek, kaya pabor si Yap na maibalik ang death penalty sa bansa.
Kanya rin sinabi, “Pinapatutukan ko sa mga staff ko ang kaso na hindi mabalewala dahil bali-balita na medyo kilala ang pamilya ng suspek sa lugar.”
Ang bangkay ng bata ay natagpuan kinabukasan pagkatapos gawin ang krimen sa isang bangin na may 50 metrong lalim, nakasilid sa sako, at wala nang mga suot na damit.
Pinaniniwalaang ginahasa muna ng suspek ang biktima bago ito itinapon upang ikubli ang karumaldumal na krimen.
Ngunit di pa rin nakalusot ang suspek sa ginawang follow-up investigation na pinangunahan ni Police Major Matthew Burgos, hepe ng Itogon Police Station.
Samantala, nakita sa narekober na cellphone ng suspek ang video ng batang biktima habang naliligo.
Panulat ni Patrolman Josua M Reyes
SOURCE:
Great work Thanks PNP