Puno ng pagmamalaki ang Police Regional Office 11 matapos makapasok si Patrolman Regner C. Trobillas, mula sa R-PSB Revitalized Pulis sa Barangay (R-PSB) Maragusan sa Top 10 Finalist ng “Singing Cops of the Philippines 2024”, isang patimpalak na pinangunahan ng Philippine National Police katuwang ang Officers Ladies Club Foundation Inc na pinangunahan ng Directorate for Police Community Relations at Police Community Affairs and Development Group.
Ang “Singing Cops of the Philippines 2024” ay naglalayong ipakita ang mga talento at personalidad ng mga tauhan ng Pambansang Pulisya habang pinapalakas ang positibong pakikipag-ugnayan sa komunidad.
Higit sa lahat, hangad rin ng patimpalak na ito na tumulong sa mga miyembro ng PNP na may cancer.
Dahil sa isiping ito, hindi na nagdalawang-isip si Patrolman Trobillas na makiisa sa naturang kompetisyon lalo na at bata pa lamang ito ay sumasali na ito sa mga singing contest gaya na lamang ng Garbo Comvalenyo kung saan siya ay tinanghal na 1st Runner Up.
Ang paglalakbay ni Patrolman Trobillas patungong finals ay nagpapakita ng iba’t ibang talento ng PNP.
Nagsisilbi itong paalala na sa kabila ng mga hamon sa mga tungkulin, maaari pa ring ipagpatuloy at ipagmalaki ang kakayahan ng pulis sa ibang larangan at ipakita ang natatagong talento at magbigay inspirasyon sa iba.
Panulat ni Patrolwoman Shairra Rose A Aquino
