Pinarangalan ang pambato ng Police Regional Office 10 si Patrolwoman Kershean Uy, ang kinilala bilang Top 10 sa Singing Cops of the Philippines 2024 sa Grand Finals na ginanap sa Music Museum, San Juan City noong Setyembre 27, 2024.
Si Patrolwoman Uy ang unang nakatanggap ng parangal sa kompetisyon, nakikipaglaban sa siyam na iba pang kalahok mula sa iba’t ibang regional offices ng PNP.
Nagpakitang-gilas sa kanyang pagtatanghal gamit ang kantang “Listen” ni Beyoncé, na nagdulot ng masigarbong palakpakan at hiyawan mula sa mga manonood.
Bago inanunsyo ang resulta, sinabi ni PNP Chief Police General Rommel Francisco D. Marbil, na dodoblehin ang mga premyo para sa mga nagwagi.
Kaya’t ang Php10,000 cash prize ay naging Php20,000 kasama ang Plaque of Appreciation na natamo ni Patrolwoman Uy.
Ang “Singing Cops of the Philippines 2024 for a Cause” ay isang inisyatiba ng PNP Officers Ladies Club Foundation, Inc., kasama ang Philippine National Police (PNP) sa pangunguna ng Director for Police Community Relations at Police Community Affairs and Development Group, na layuning ipakita ang natatanging talento ng mga pulis at makalikom ng pondo para sa mga PNP personnel na may cancer.
